- ÞVoter list ; मतदार यादीत नाव कसे शोधावे , मतदान यादी 2024
Voter list ; राज्यात विधानसभा निवडणूक जाहीर झाली आहे. या पार्श्वभूमीवर निवडणूक आयोगाने आता मोबाईलवर मतदार यादीतील नाव आणि मतदान केंद्र शोधण्याची सुविधा उपलब्ध करून दिली आहे. निवडणूक आयोगाच्या वोटर हेल्पलाइन या ॲपवर तुम्हाला मतदार यादीतील नाव आणि मतदान केंद्र लगेच शोधता येणार आहे.
वोटर हेल्पलाइन ॲपवर मतदान यादीतील नाव आणि मतदान केंद्र कसे शोधायचे
सर्वांत आधी प्ले स्टोअरमधून वोटर हेल्पलाईन हे ॲप्लिकेशन डाऊनलोड करा. त्यानंतर तुम्ही नवीन युजर असाल तर सर्वांत आधी न्यू युजरवर क्लिक करून रजिस्ट्रेशन करा. किंवा तुम्ही गेस्ट युजर म्हणूनही लॉगिन करू शकता. लॉगिन केल्यानंतर वरच्या बाजूला तुम्हाला search your name in electoral roll असा एक सर्च बॉक्स दिसेल. त्यावर क्लिक करा.
सर्च बॉक्सवर क्लिक केल्यानंतर तुम्हाला मतदान यादीतील नाव आणि मतदान केंद्र शोधण्यासाठी चार पर्याय मिळतील. पहिला पर्याय म्हणजे तुम्ही मोबाईल क्रमांक टाकून तुम्ही तुमची माहिती मिळवू शकता. त्याशिवाय तुम्ही मतदान कार्डावरील QR कोड स्कॅन करू शकता. तसेच तुमची वैयक्तिक माहिती भरून किंवा मतदान कार्डावरील EPIC क्रमांक भरून, तुम्हाला मतदान यादीतील नाव आणि मतदान केंद्र शोधता येईल.
वोटर हेल्पलाइन ॲप्लिकेशन डाऊनलोड करा
1) मोबाईल क्रमांक : पहिल्या पर्यायावर क्लिक केल्यानंतर तुम्हाला तुमचे राज्य आणि मोबाईल क्रमांक टाकावा लागेल. मोबाईल नंबर टाकल्यावर तुम्हाला एक ओटीपी येईल तो ओटीपी टाकल्यानंतर तुम्हाला तुमचे नाव, वय, पत्ता, मतदान यादीतील क्रमांक व मतदान केंद्र, अशी संपूर्ण माहिती मिळेल.
2) मतदान कार्डावरील क्यूआर कोड ; मतदान कार्डवरील क्यूआर कोड स्कॅन करून, तुम्हाला थेट मतदान यादीतील क्रमांक आणि मतदान केंद्राबाबतची माहिती मिळेल.
3) वैयक्तिक माहितीद्वारे : जर तुम्हाला पहिले दोन पर्याय वापरताना अडचण येत असेल, तर तुम्ही तिसऱ्या पर्यायाचा वापर करू शकता. त्यासाठी search by details यावर क्लिक करा. त्यानंतर तुम्हाला तुमचे नाव आणि आडनाव, तुमच्या वडील किंवा आईचे नाव, वय, लिंग, राज्य, जिल्हा व मतदारसंघ, अशी संपूर्ण माहिती भरावी लागेल. ही माहिती भरताच तुम्हाला तुमचे मतदान केंद्र आणि मतदार यादीतील क्रमांक मिळेल.
4) EPIC क्रमांक ; तुम्ही EPIC क्रमांक भरूनही मतदान केंद्र आणि मतदार यादीतील क्रमांका विषयी माहिती मिळवू शकता.
वोटर हेल्पलाइन ॲप्लिकेशन डाऊनलोड करा